حكاية غول البرّ وإبنة السّلطان

حكاية غول البرّ وإبنة السّلطان حب من نظرة واحدة (حلقة 1و 2 و 3 ) نبدأ بتفاصيل الخبر 👈👈👈كان فيه حطاب فقير ،كلّ يوم كان يروح على الغابه يلمّ حطب وياخدها على السوق يبيعها ،ويشتري بحقها أكل لولادو ويرجع على بيته، مرة في ليلة ماعرف أنه طلع الضو ومرتو فيّقته من نومه، و قالتلو: قوم كفاية نوم روح عالغابه واسترزق الله ما كذّب الحطّاب خبر قام والدنيا عتمه ،ولبس تياب الشغل وحط الحبل والفاس عاكتفو وراح عالغابه وبدأ يقطع ويلمّ ح طب حتى صار عنده كومه كبيره جاء بيشيلها ما قدر ،دوّر على حدا يشيل معاه، طلع ينظر هيك وهيك ما شاف إلا العتمه ،وهو عما يدوّر لقى ولد واقف بنص الغابه تحت شجره، وقال: أيوه ... جيت والله جابك لكن لما قرب منه وجده متّسخا يستر نفسه بورق الشجر ،وبما أنه لا يوجد سواه قال له إذا أعطيتك ملابس وأكل هل تساعدني في حمل الحطب للسّوق؟ حرّك الولد رأسه ،فساقو على البيت ،ولمّا شافتو مرتو صاحت وين لقيت ها الولد القذر ؟ قال لها :سخّني له الماء ،ودعيه يستحمّ أما لأنا فسأدور له عن إزار يلبسه ،ثم أعطاه خبزا وزيتا فأكل، وقال له هيا إلى السّوق، كان الولد قويّا شال على ظهرو الحزمة ،ولمّا وصلا ،باع الرّجل الحطب بثمن كويّس وشرى له لباس ، وقال له: من اليوم أنت ولدي ،وستشتغل معايا وأعطيك غرفة في البيت تنام فيها ،صار الولد يقوم مع الحطاب كل صباح، وفي نصف النهار يرجعو ومعاهم قفاف بالخضار واللحم وتحسّنت حال الرجل ،وكل ما يسئل الولد إيه قصّتك ما يجيب ،ولم يكن يتكلم إلا قليلا ،وتعّود أهل الديرة على ها الفتى ،ولقوّته صارو ينادونه غول البرّ !!! في يوم من الأيام طلعو بنات السّلطان على السّوق، وكان الحطاب و ولدو واقفين يبيعو الحطب، جاء الحرس ،وصاروا يضربون الناس حتى يتخبّو، ويفضّوا السّوق لبنات السّلطان.....لتكملة القصة اضغط على الرقم 2 في السطر التالي 👇 الحطاب اتخبّى. وصلت عرباية السلطان ، ونزلوا منها بنات متل النجوم بالحلى والحرير، وصاروا يتجوّلو بالسّوق ويشتروا أغراضنّ، و الولد عم يتفرّج ،ولما شاف الأميره الصغيره متل القمر خرج من مخبئه ،وإقترب منها ،جاء رجال أبيها ليبعدوه ،لكن لم يقدرو على ذلك ، فتعجّبوا من قوّته رغم صغر سنّه ،وفي الأخير خرج الحطاب وسحبه من يده ،لكنه بقي ينظر للبنت وقد هام بحبها، وطار عقلو فيها وبعد ما خلص بنات السلطان الشّراء ركبوا العربايه ،وراحوا للقصر. رجع الحطاب ،للبيت والولد كان حزين دمعتو على خدو فأستغرب أبوه من حالو ، وبطل الولد ياكل ويشرب،ومرض، قالت مرت الحطاب: والله إبنك عشقان !!! احكيلي شو اللي صار معكم البارح ؟ فحكالها الحطاب اللي وقع ، ردت المرا: ياه عشقان وحده من بنات الملك!!! فسألتو المرا أنت حبيت وحده من بنات الملك ؟ فهز براسه:. وأشار لها بإصبعه الصغير،فعرفت أنه حابب بنت الملك الصغيره ... قعد الحطاب ومرتو يفكرو بحل هالمشكله الكبيره، فقال الحطاب: والله ها الولد ما قصّر معانا وسأحقّق أمنيتو مهما كلّف الأمر... ... يتبع الحلقة 2 حكاية غول البرّ وإبنة السّلطان من التراث الشّفوي السّوري ثلاثة شروط مستحيلة (حلقة 2 ) في اليوم التالي الصّبح راح الحطاب داخل على الملك، وقالو: يا مولاي بدي اخطب بنتك الصغيره لأبني غول البرّ !!!.الملك طار عقلو وغضب كتير، وإفتكر الرّجل عم يضحك عليه، فأراد أن يأمر بقطع راسو، الوزير أشار له أن ينتظر، وقال له: يا ملك الزّمان طوّل بالك ،سمعنا بهذا الولد اللي غلب حرّاسنا في السّوق، لا بدّ أن نرّبيه ،وما عاد يورّينا قوّتو !!! قال الملك: والله عم تحكي صحّ يا وزير. إلتفت للحطاب، وقالو: بدّي ولدك ينّفذ لي تلات شروط ،إن قدر عليها أزوّجو بنتي ،هذا وعد مني، وان ما قدر، يجي كلّ يوم ينظّف إسطبلات خيولي من الصّبح للمساء،ولو ما بدّو أرميه في سحن لا يدخلو النور ، لأنّو تجرّأ ينظر لبنتي ،بلع الحطاب ريقو ،وهزّ رأسو بالموافقة ، وقلبو مقطوع من كثرة الخوف ....لتكملة القصة اضغط على الرقم 3 في السطر التالي 👇 قال الوزير: الشّرط الأوّل: الملك بدّو من ولدك يجيب له عنقود عنب ياكلو منّو الحاشية والعساكر، وما يخلص !!!إندهش الحطاب ،وأراد يتكلّم ،لكن الكلمات إنحبست في حلقو ،راح لبيتو يبكي وقال لإبنو: هاي ورّطت نفسك ورطة كبيره مع الملك، وان ما نفّذت شرطو راح يخدّمك مثل العبيد عندو، لا أكل ولا مصاري ، سألو الولد قل لي: الملك شو بدّو ؟ جاوبو :عنقود عنب يأكل منّو كلّ القصر، وما ينتهي ،ها الشّيئ مو موجود ،ولا حدا ممكن يجيبو،الولد خرج ،وقال للحطاب :بدّي نروح للغابة ،وأجي الصّبح . الرّاجل إفتكر الولد عايز يهرب ،وقال :في نفسو: يا ليتني ما مشيت للملك ،وقعدت في حالي ،وبقى طول الليل يفكّر،وما قدر ينام،في الصّباح سمع الباب يفتح ،ودخل الولد وحطّ صينيّة ذهب عليها عنب ،وقال للحطاب :روح للملك يا أبوي ، فأخذ الصّينية، وهو ما مصدّق هالحكي،لمّا وصل للقصر قدّمها للملك، فأكل من العنب حتى شبع ،ونادى الوزير اللي أكل ،والعنب مازال موجود، ما نقصت منّو حبّة ،الملك تجنّن ،قال للوزير : هذا رأيك ،تصرّف و فرّغ الطبق، نادى الوزير الحاشية، وبعدين الحرس ،والجواري والطباخين ،وكل من في القصر أكل حتى الدّجاج والأرانب. وفي الأخير، قال الوزير: ولدك نفّذ الشّرط الأوّل ،وهو سهل ،الشّرط التاني سيكون أصعب: الملك بدّو منّك جوزه فيها بساط يفرش أروقة القصر ،ويزيد، فراح الحطاب لعند الولد ،وقالو :هذى المرّة لازم نهربو ،ما فيه حلّ آخز ، فهزّ الولد راسو يمين وشمال ،وقصد الغابة .تساءل الحطاب: شو بدّو يسوّي ها المشكلة ما فيها حلّ . وعند الصّبح رجع الولد شايل جوزه على صينية ذهب ،فحملها أبوه ،وأعطاها للملك الذي كسر الجوزه ،وقالو فين البساط ؟ الحطاب سحب خيط صوف ،وقعد الخيط يخرج ،ويلتفّ على بعضو حتّى تحوّل لبساط أحمر رائع الجمال غطى قاعة العرش ،وبعدين راحو في القصر، وكلّ مكان يدخلونه الخيط يلتفّ ،ويصير بساط حتى أكملو كلّ القصر،وطلعو على الشّارع ، فطار عقل الملك ،ونادى الوزير، وقالو :من مصلحتك تعطيه شرط لا يقدر عليه لا الإنس ولا الجان ،وإلا قطعت رأسك، فهمت !!! بنتي عمرها ما تتزوّج صعلوك ،مهما يكون حالو !!! قال الوزير للحطاب: الشّرط التالت: الملك بدو تبني له قصر أكبر من قصرو وما في منّو بالبلاد من هون للصّبح!!! رجع الحطاب إلى الولد ،وحكالو طلب الملك، وقالو :يا ولدي أرقد اليوم ،وبكرة إمش للقصر ،ونظّف إسطبلات الملك ،فهزّ الولد راسو، وفي الليل راح بجنب القصر، وصنع واحد صغير من الطين ،وصبّ عليه ميّة جابها من الجبل، والقصر بدا فجأة يكبر وأول ما طلع الصّباح صار أعلى من كلّ أبنية المدينة ،وفيه عشرة أبواب مزخرفة بالذّهب والفضة ،لمّا رأى الوزير ذلك أمسك رقبتو ،وقال : ويحي اليوم يقتلني السّياف ،ومن أوّل يوم عرفت أنّ الولد أقوى منّا ....لتكملة القصة اضغط على الرقم 4 في السطر التالي 👇 لكن الملك لما شاف القصر ،قال: أنا وعدت الحطاب ،وبنتي حلال عليه ، فصاح الملك على لبنى ،وقال لها: خطبك غول البرّ، وأنا موافق ،نظرت البنية للفتى، وما عجبها شكلو ، كان شعرو طويل جعله في ظفيرة ،ورجلاه كبيرتين . صارت البنت تبكي وتنوح على حظها ،قال لها أبوها :أنا وعدتو، وما أنوي اتراجع ، وراحت مع زوجها ،ودخلت لغرفتو ، وجلست على حصيرة قديمة ،وندبت حالها حتى نامت، وبنصّ الليل فاقت البنت لقت نفسها نايمة على فراش من ريش النعام، وعليها غطاء من الحرير ،وبجانبها فتى وسيم متل القمر ما متلو بالعالم . استغربت ،من ها المكان، إفتكرت نفسها تحلم، حرّكت يد الفتى ،وهي تصيح : أنا فين ؟ و أنت مين ؟ فسكّتها الفتى، وقال: هذا سر بيني وبينك، لا تحكيه لحدا أنا شعلان إبن ملك الجان، مسحور بالنّهار أكون غولا، وبالليل أرجع لحالي، وإذا قلتي هالسرّ لحدا ،ما بتعودي تشوفي وجهي بعد اليوم.سكتت الأميره ،وفرحت من هالخبر ،وكتمت السر وعاشوا مبسوطين والملك إعتقد أن ذلك الولد مشعوذ ،و إستغرب لمّا رأى بنتو فرحانة معه . إستمرّ الحال،ويوم صار فيه غزو وطلعوا الرّجال والفرسان عالحرب، ومثل أزواج أخوات اللأميرة، قام ولد الغابة ،ولبس بدلة فرسان كموني،وتلثم وحمل آلة الحرب ،وقال لها: لا تحكي لحدا، وراح يحارب مع الفرسان، صارت معركة قوية ،والنّسوان عمّا يفتخرو بأزواجهن، والأميره يا حرام، ما قادرة تحكي شي، فصاروا النّسوان يعيروها ويقولولها: رجالنا طلعت عالحرب، وأنتي اتجوزتي غول ،وقاعد بالبيت، هيك أحسن لك!!! فصارت تلوّح براسها، وتقول : يا ناس لا تلوموني جوزي أبو بدلة الكمّوني جمالو ما خلق عشقه قلبي وعيوني لو عرفتوه يا نسوان ما ضحكتو عليّ و بغول البرّ عايرتوني ... يتبع الحلقة 3 حكاية غول البرّ وإبنة السّلطان من التراث الشّفوي السّوري أحزان الأميرة (حلقة 3 ) صار الولد يقاتل بشجاعة ،ويضرب يمين وشمال، والملك عمّا يتفرج عليه، ويتعجّب من أفعالو ،لين هرب العدوّ ،وشاف الملك أنّ إيد الفارس إنجرحت، قام ،وأعطاه منديلو حتى يربط فيه جرحو، وبعد انتهاء الحرب،رجعت الفرسان إلى بيوتها، وقعد الملك يحكي عالفارس أبو الطقم الكموني ، وقوّتو، وقال لبنتو: ياريتو كان جوزك يا لبنى بدل ها الغول !!! قامت بنتو من فرحتها وصاحت :أبشريا بوي الفارس بذاتو هو جوزي ، وغول البرّ من أمراء الجان !!! اللي كانو في خدمة سيدنا سليمان .....لتكملة القصة اضغط على الرقم 5 في السطر التالي 👇 فرح الملك كتير، وراح مع بنتو وحاشيتو على دار الحطاب حتى يشوفو الأمير،لكن لمّا وصلو ما لقاو حدا بغرفتو، دورو عليه كتير وما عرفو له خبر، ولا فين اختفى .مرضت بنت الملك على جوزها، ولزمت الفراش لحتى راح تموت، عرفت عجوز سحّارة قصتها، وإجت لعندها وقالتلها: يا أميرة الزّمان إذا بدّك أجبلك خبر عن غول البر افتحيلي حمّام على مفترق دروب دمشق، واتركي الباقي عليّ. سمعت الأميره كلامها ،وتفاءلت بالخير، وبنتللها حمّام بأسرع وقت ،وسلمتو للعجوز، وشرطت السّحارة على كل حدا بدّو يتحمّم يحكي لها حكايه غريبه عوضا عن الفلوس . وصار كل واحد يحكي حكايه ،ويتحّمم ويمشي..لين أحد الأيام فيه مرا فقيرة ،ومعها ثلاث بنات ، وبدها تحمّمهن ،لكن عمرها ما سمعت حكايه ،ولا تعرف تحكي، ما سمحتلها العجوز تدخل . وكانت الدّنيا مساء ، راحت هي وبناتها عالغابه، وطلعت على شجره عالية ونامت معاهن. بالليل صحيت المرا على صوت وخربشة، وشافت ولد متل القمر طالع من الأرض، ووقف تحت الشّجرة ،وقال: يا أرض انفرشي، ويا مقاعد اصطفّي.!!! انفرشت الأرض بالزّرابي ،واصطفّت المقاعد، وجلس على كرسي، وأخرج ثلاثة تفّاحات من جيبو، ورمى واحدة، وقال: هاي لليمامة ،ورمى الثانية وقال: هاي للحمامة. ورمى التالتة ،وقال: وهاي للبنت اللي ما حفظت الأمانه ،والله ما تدرين شوقي إليك،ليش ما سمعت كلامي ؟ و صار يبكي من قلب مجروح،ودموعو نازلة حارّة على وجهو، لحتى قرّب يطلع الضبح، بعدين اختفى كل شيء ،ورجع الولد من المكان اللي طلع منو !!! فرحت المرا ،وفيّقت بناتها ،وقالتلن: صار في عندنا حكايه، قوموا عالحمّام .لما وصلت حكت حكايتها قدّام العجوز، ولمّا سمعت شو صار مع الولد، راحت للأميرة ،وروت لها الخبر ،شهقت البنت، وصاحت :ما فيه شك هو جوزي !!! وقالت للعجوز: الحمام صار إلك، الله يباركلك فيه، وأنا هالحين رايحة أشوف حالي. وصلت الأميره عالغابه مطرح ما أشارت لها المرأة الفقيرة ،وطلعت عالشجرة، وقعدت تستنى فوقها.ومتل ما قالت المرا طلع الولد، وانفرشت الأرض واصطفت المقاعد، ورمى الثلاثة تفاحات، ولما قعد يبكي نزلت الأميره لعندو، وقالتلو: صار لي شهور عمّا أدوّر عليك !!! ليش تركتني لوحدي ؟ استغرب الولد ،وسألها ،وأنت كيف لقيت مكاني ؟ سيبيني ، ما عاد يمشي الحال نبقى سوا ،أنا عايش تحت الأرض، أستخبّى من عمّي ،سألتو : شو بدو منك .....لتكملة القصة اضغط على الرقم 6في السطر التالي 👇 جاوبها :لمّا مات أبوي إفتك مني الملك ،وحطلي سحر أسود في أكلي لكن الله ستر ،و تعويذة معاي خلات مفعول السّحر يبطل في الليل ،وهو ما يعلم ،ولا أصير غول إلا الصبح، ومو قادر أن أتكلم ، وأفقد قدرتي السّحرية ،لكن أسترجعها بالليل ،وهيك نفّذت الشروط الثلاثة المستحيلة اللي طلبها منيّ أبوك الملك !!!ولهذا السبب ما بدي حدا يشوفني ،وإلا صارت حياتي في خطر،وأنا أخاف عليك منو، هو ساحر جبّار،ولا يرحم حدا ... ... يتبع الحلقة 4